කොරියාවේ සිහින ⁣බොඳකල සෝජු බෝතලය කව්රුත් නොහිතන කතාවක්

                                 
කොරියාවේ සිහින ⁣බොඳකල සෝජු බෝතලය.. කව්රුවත් නොහිතන  කතාවක්..

අදුරුම අහසක හදක් පෑවුවම තියෙන ලස්සන විස්තර කරන්න වචන නෑ වගේම කොරියන් හීනෙ හැබෑ වෙන මොහොතෙ ඔබේ සතුටත් විස්තර කරන්න වචන නෑ. මොකද ලේසියෙන් දුවන මෝටර් රථයක නැගල හයිවේ එක දිගේ ගිහින් ගමනාන්තය පසු කරනවා වගේ නෙමෙයි අමාරුවෙන් කන්දක් නැගලා වටපිට සුන්දර බලලා ගන්න සතුට.මොකද මහන්සියේ උණුසුමත් එක්ක විදින සතුටක් ඒක. ඒ වගේ ඉතා අසීරු මාවතක ඇවිත් ගොඩක් අභියෝග ජයගෙන කොරියන් හීනෙ හැබෑ කරගන්නවා කියන එක සුවිසල් ජයග්‍රහණයක්. ඒ අවස්ථාවට හිමිකම් කියන පිරිස හරියට පෙරාපු රත්තරන් වගේ. බොහොම ටිකයි. නමුත් වටින කමින් වැඩියි. 
     
       ඒත් මේ උදාවුණු අලුත් අවුරුද්දෙ ඔබත් එක්ක හමුවෙන පලමු සටහනෙන්ම අනුවේදනීය සත්‍ය පුවතක් ගෙන එන්න ලැබීම කණගාටුවක්. නමුත් මා මෙය ඔබට කිව යුතුම වූවක් නිසා මෙහෙම ලියන්න හිතුවා.

        අපේ ආදරණීය කොල්ලො ගොඩක් දෙනෙක් පහුගිය කාල වකවානුවෙම මේ සීතල කොරියාවෙ අවසන් හුස්මපොද හෙලුවා  බොහොම අවාසනාවන්ත විදියට. එහෙම කියද්දිම දැනෙන හැගීම මොනවගේද කියලා දැනටමත් කොරියාවෙ රැකියාවේ නිරත වෙන ඔබේ හිතවතා, ස්වාමියා, සොහොයුරා සිහිවෙන ඔබේ හදවත හදුනන මම දන්නවා. මේ කතාව වයස අවුරුදු විසි හතරක අපේම කොල්ලෙක්ගෙ අවාසනාවන්ත සිදුවීමක් ගැන. 

රැකියා ස්ථානය කොරියාවේ තේගු වල,ඔහු රැකියාව කල කර්මාන්තශාලාවේම තවත් ශ්‍රී ලාංකියෙක් වැඩ කරත් මේ සහෝදරයාගෙ නේවාසික කාමර⁣යෙ හිටියෙ ඔහු විතරයි. මොකද පෙර හිටපු යාලුවා ඒ වෙනකොට ලංකාවට නැවත පැමිණ තිබුණ නිසා.
මේ කතාව කියන්න කලින්ම මාතෘකාවෙ තිබුණා වගේම සෝජු එක්ක අපේ කොල්ලොන්ගෙ තියෙන්නෙ දැඩි මිතුරු කමක්. ඒ හින්දම ඊට නොදැවිනි නොවුනු මොහොත් වැඩමුර නිමාවෙලා සෙනසුරාදා දින එළිවෙන පාන්දර කාමරයට ආවෙ යාලුවො ටිකත් එක්ක හොදටම සෙට් වෙලා. ඔහුට නැවත වැඩමුරය සදුදා රාත්‍රියේ නිසාවෙන් අනෙක් යහලුවනුත් ඔහු පිළිබද පහුවෙනිදාද විපරම් කොට තිබුණේ නැහැ. හේතුව පෙර දින සෝජු වැඩිපුර පානය කල නිසාවෙන් පසු දින ඇති පදම නින්දට වැටෙන නිසා. නමුත් සදුදා සවස ඔහු වැඩමුරය සදහා නොපැමිණි නිසාවෙන් සජංනිම් සහා වටපිටාවේ සිටින ලාංකීයන් කිහිප දෙනෙක් ඔහු සොයා කාමරයට එනවා. 
නමුත් දොර විවෘත කර ගැනීමට නොහැකි වූ නිසාත් ඔහුගෙන් ප්‍රතිචාරයක් නොවූ නිසාත් දොර අගුලු බිද ඇතුලට යන්නට සජංනිම් කටයුතු කරනවා. 

අවසානයේ සියලු දෙනාට දකින්න ලැබෙන්නෙ මේ සොයුරාගෙ ප්‍රාණය නිරුද්ද සිරුර. අවාසනාවට වෛද්‍ය වාර්තා තුළින් දිග හැරෙන්නෙ මේ මරණය සීතලට භාවිතා කරන ලද හීටරය හේතුවෙන් එමගින් ඇති වූ ලේ කැටියක් මගින් සිදුවූවක් ලෙසයි. නමුත් ඒ වන විටත් තවත් එක් තරුණ ජීවිතයක් අකාලයේම කිසිවෙකුත් නැති ⁣සීතල කුටියක හුස්ම පොද දිය කර හමාරයි. 

අහිමි වුනේ සජංනිම්ට ගෝලයෙක් විතරක් නෙමෙයි. රත්තරං අහිංසක පවුලක අම්මෙක්ට තාත්තෙක්ට ලස්සනට උස්මහත් කරපු දගකාර කොල්ලෙක්. මේ කතාව ඇතුලෙ තියෙනවා කියන්න ගොඩක් දේවල්. 

මේක තවත් එක් කතන්දරයක් නෙමෙයි.
මේ ආකාරයෙන් අවාසනාවන්ත විදියට සෝජු බෝතලේ හින්දම අවසන් ගමන් ගිය බොහෝමයක් කොල්ලො ඉන්නවා. 
      මේ මරණයට හේතුව ගැන කිවුවම සෝජු එක්ක තියෙන සම්බන්ධය ගැන කියන්නම වෙනවා. දහසක් බලාපොරොත්තු එක්ක කොරියාවට එන ගොඩක් කොල්ලො මෙහෙ කම්පැනිවල දුක් විදිනවා. මහන්සිය යන්න හවසට යාලුවො එක්ක පොඩ්ඩක් සෙට් වෙන කොල්ලො වගේම අද කොරියාවෙ සෝජු තියෙන අන්තිම දවස වගේ බොන කොල්ලොත් ඉන්නවා. මේ හින්දම තමන්ට තමන්ව පාලනය කරගන්න බැරුව යාලුවො එක්ක ප්‍රශ්න රණ්ඩු ඇති කරගන්නවා වගේම තමන්ගෙ පෞද්ගලික ආරක්ෂාව ගැනවත් හැගීමක් නැති වෙනවා. සමහර අවස්ථාවල සිදුවෙන අනතුරු වලට ප්‍රධානම හේතුව තමයි අදික ලෙස බීමත්ව සිටීම. මේ තරුණයාත් සිහියෙන් නින්දට ගියානම් ඒ අවාසනාවන්ත සිදුවීම සිදු නොවෙන්න තිබුණා. බොහෝ වෙලාවට නිවසෙන් පිට මේ වගේ දුර රටක සේවය කරන ඔබ ජීවත් වෙන්නෙ තනි කාමරයක නම් ඔබේ ආරක්ෂාව හා ඔබේ විමසිලිමත්භාවය අතිශයින්ම වැදගත් වෙනවා. කොරියාව නිරන්තර ස්වාභාවික ආපදාවලට ලක් වෙනවා.දිවා රෑ නොබලා එවන් අවස්ථාවකදීත්  ඔබේ ආරක්ෂාව සලසා ගැනීම සදහා ඔබ සිහියෙන් සිටිය යුතුමයි. 

කොල්ලනේ ප්‍රධානම දේ තමයි සිහි තබා ගත යුතුයි ඔබ නැවත සීරීමක් හෝ නොමැතිව නිවසට එනතෙක් ඔබේ ආදරණීයන් බලා සිටිනා බව. ඔබ දහසකුත් එකක් ප්‍රශ්න මැද බොහෝ අභියෝග වලට මුහුණ දී පෙරාපු රත්තරන් ටිකක් වගේ කොරියාවට එන්නෙ. 

ඉතිං ජීවිතේ ලස්සන කරගන්න පුංචි ලස්සන කැදැල්ලක් හදාගන්න ආසම වාහනයක් අරගෙන ලස්සනට ජීවත් වෙන්න මේ කොරියාවෙ මුහුදේ , මැෂින් අස්සෙ හෙලන කදුලු දහඩිය ලෙයින් තෙත් කරන්නට සූදානම් වෙන්න එපා. ඒ හීන හැබෑ කරගන්න සිහියෙන් ජීවත් වෙන්න. මේ අලුත් අවුරුද්දෙ කොල්ලනේ බෝතලේට ඇහැ යන එක අඩු කරමු. හීන වල⁣ට පණ දෙන්න බාධා කරන හැම දෙයක්ම ජීවිතෙන් අතුගාලා දාන්න උත්සාහ කරමු. නැත්නම් මුහුදු කිහිපයක් ඈතින් තියෙන අර පුංචි මුතු ඇටේට ඔබේ ආදරණීයයන්ට බලන්න ඔබේ මළකද ගෙනියන්න වැඩ සිද්ධ කරන්න එපා. 

    කොරියාවෙදි මිය යන හැම තරුණයෙකුගෙම මළ සිරුරු ලංකාවට පිටත් කර හරින්න ලොකු කාලයක් ගත වෙනවා. සමස්ත ලාංකික කොරියානු රැකියාවල නියුතු ඔබ වෙනුවෙන් එවන් ඛේදජනක අවස්ථාවක එම සිරුරුවල වගකීම ගෙන ඒවා ලංකාවට එවන්නට ඔබේ ඥාතීන් අතට පත් කරන්නට වෙ⁣හෙසෙන මහන්සි වෙන වටිනා දෙපලක් ඉන්නවා. ඔවුන් ගැන සදහන් නොකරම බැහැ. විශේෂයෙන්ම 

තේගු ශ්‍රී ලංකාරාම විහාරාධිපති කටුවන
විජිතවංශ ස්වාමීන් වහන්සේ...ද 

ශ්‍රී  ලංකා තානාපති කාර්‍යාලයේ තානාපති තුමාන් ද මේ වෙනුවෙන් කරන්නා වූ කැපවීම අනිවාර්යෙන්ම සිහිපත් කල යුතු වෙනවා.

    හුදෙක් තවත් එක් පෝස්ට් එකක් පමණක් නොවන මෙම පුවත ඔබේ මතකයේ ඉහලම ස්ථානයේ රදවාගන්නාමෙන් ඉල්ලා සිටින අතරම, සෝජුවට වඩා  ඔබත් ඔබේ සිහිනත් ඔබේ ආදරණීයනුත්  මතකයේ ඉහලින්ම රදවා ගන්නා මෙන් ඔබෙන් අයදින ගමන් මේ ලැබුවා වූ නව වසරේ මෙවන් අනුවේදනිය පුවත් යලි අසන්නට දකින්නට සිදු නොවේවායි පතමි. හිනැහී ආවා සේ තුටින් සිරිලකට පියඹා යන්නට යෝධබල විරිය ඔබට ලැබේවායි පතන මම
ඔබේ  සඟයා
සටහන  දිලාන් මදුසංක...

No comments:

Post a Comment

කොරියාවේ ලක්ෂ ගනන්වලට අලෙවි වල මැටි භාණ්ඩ

කාර්මික රටක් වූවත් මැටි කර්මාන්තයට වඩාත් වටිනාකමක් ලබාදී ඇති කොරියාව.. අප කල විඩියෝව පහතින්                           ...

කොරියාවේ හැමදෙයක් ගැනම කරන විඩියෝ බලන්න මෙතනින් අපෙ youtube චැනල් එකට සෙට්වෙන්න